Gel ey esîr-i zülf-i perîşânın olduğum
Bilmez misin rübûde-i çevgânın olduğum
Tâvûslar gibi çemenistâna çık yürü
Ey men fedâ-yı hâlet-i cevlânın olduğum
Gördükçe bendeni bu şeker-handeler nedir
Bildin mi tûti-i şekeristânın olduğum
Âğyâr korhusundan efendim bilir misin
Meclisde tâ-be-subh nigehbânın olduğum
Pek istedi efendimi ıydın üçüncü gün
Lutf eyle gel Nedîmine kurbânın olduğum