Geldi ‘izâr-ı yâra hat-ı müşg-bâr hayf

 

 

 

335

 Mef‘ûlü Fâ‘ilâtü Mefâ‘îlü Fâ‘ilün

 

1 Geldi ‘izâr-ı yâra hat-ı müşg-bâr hayf

 Âyîne-i cemâlini tutdı gubâr hayf

2 Oldı zuhûr-ı hattı o hurşîd-tal‘atuŋ

 Âyîne-i dile sebeb-i inkisâr hayf

3 Etrâf-ı dâmen-i nigehi itdi pür-gubâr

 Pür-jeng olup ol âyine-i tâbdâr hayf

4 Âyînede görüp hat-ı gül-berg-i rûyını

 Oldı nigâh-ı şûhına her biri hâr hayf

5 Âyînede inkisâfını gösterdi hatt ile

 Mugber olınca SÂKIB o hurşîd-‘izâr hayf