Gelgil ki düşdi sûz-ı firâkunda câna tâb
Halvet-serây-ı gönlümi hicr eyledi harâb
Yâ Rab ne derd imiş gam-ı ışkun ki âşıka
Ne fikr-i dîni koydı vü ne fikr-i deyn ü hâb
Bî-pertev-i celâl-i to ey nûr-ı çeşm-i dil
Mânend-i zerre olmuşam ez-ışk-ı âfitâb
Yâ Rab vücûd-ı zâtuna vasl olmasun gezend
Olsun nasîb düşmenüne tâb u ıztırâb
5 Tâ şâne kıldı turra-i anber-feşân saçun
Eflâkiyân-ı ışk ez-ân dutdı müşk-nâb
Oldı esîr dâne-i hâlünde cân kuşı
Dâm-ı belâya saldı meni zülf-i pîç ü tâb
Gelgil ki senden ayru Hakîkî be-sûz-ı dil
Çekdi firâk-ı âteş-i hicründe bes azâb
 
 
CİHÂNŞÂH HAKÎKÎ’
 
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368