Gerçi ki cevrüñüñ baña yohdur nihâyeti

 

Gerçi ki cevrüñüñ baña yohdur nihâyeti (682/1)

Lâyık degül kula ki_ide şehden şikâyeti

Ger cân vilâyetin yıhasın ger göñül evin (682/2)

Vardur şehüñ neye ki dilerse vilâyeti

Göñül saçuñ hevâsına düşmiş bu mübtelâ (682/3)

Müşkil dalâle düşdi bula mı hidâyeti

Zülfüñ hayâli-ile gicemüñ hâli nicedir (682/4)

Söz uzanur disem bu perîşân hikâyeti

Geh zühre didiler yüzüñe geh güneş geh ay (682/5)

Rûşanlıgından añlanımaz hîç gâyeti

Gül hüsnine egerçi ki muhkemdür ire nesh (682/6)

Gül-zâre celve itse cemâlüñüñ âyeti

Oldı_Ahmedî hadîsi revân şöyle kim zülâl (682/7)

Kevser lebüñden oldugı-y-ıçun rivâyeti

 

 

Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,