müfteʿilün mefāʿilün müfteʿilün mefāʿilün
 
 
1.
a.
Gerçi ki şeyẖ·i ṣavmaʿa tevbeye dest·i ḥaḳ ṣunar
 
b.
Sāḳiyi gör ki luṭf idüb el diyene ayaḳ ṣunar
 
2.
a.
Gülşene gel ki cām·ı mey nūş idicek öpüşmege
 
b.
Gül yañaġın ṭutıvirür ġonca gelür ṭudaḳ ṣunar
 
3.
a.
Ḳaşları baş bir eyleyüb çeşmine ġamze ögredür
 
b.
Ḳana şerīk olur şu kim mest eline yaraḳ ṣunar
 
4.
a.
Bezm·i cemāl·i dōstda içmege rind·i pārsā
 
b.
Ġonca lebi şarāb·ı ter gül yañaġı ʿaraḳ ṣunar
 
5.
a.
Cān ile saña göñlini virse Necātī ṭañ degül
 
b.
Ḥüsn ü bihā çerāġısın her kişi bir adaḳ ṣunar
 
 
 
 Ali Nihad Tarlan i, Necāti Beg Divanı, Istanbul: Milli Eğitim Basımevi, 1963);