Germ-ülfet oldı Ǿāşıķa cānāneler bu şeb

 

                                                                                                                                                                                           

MefǾlü FāǾilātü MefāǾįlü FāǾįlün

 

1 Germ-ülfet oldı Ǿāşıķa cānāneler bu şeb

Bir pįreĥende şemǾ ile pervāneler bu şeb

2 El urdı zülf-i dilbere çün şāneler bu şeb

Görsen ki geldi başuma cānāneler bu şeb

3 Sūz u güdāz olup bize mihmān seĥer diyü

Gösterdi gird-i şemǾde rindāneler bu şeb

8b Muĥarrerdür] Meĥemmmeddür , taħrįr] tecrįr

9a nūr-ı raĥmetden] bāb-ı raĥmetden olur

4 Feyż-i lebüñle ķabına śıġmaz şarāb-ı nāz

Teng oldı cilve-i meye ħum-ħāneler bu şeb

5 Gelmiş o māh bezm-i meye sāķį nuķl içün

Bulsa enār-ı mihri ķırup dāneler bu şeb

6 Bām-ı sipihre döndi reh-i yār dįdeden

Dökdüm o deñlü pāyına dür-dāneler bu şeb[

7 Yaķdı sebū-keşānı birer cām ġāliba

Çeşmüñden aldı māye-i mey-ħāneler bu şeb

8 RefǾ-i ġubārı ħāŧır ümįdiyle śubĥa dek

Müştaķ-ı cūş-ı seyl idi vįrāneler bu şeb

9 Gülgūn-ı bāde fāris-i Ǿaķlı çalup yire

Oldı piyāde bezmde ferzāneler bu şeb

10 Ŧoġsa o mihr-i leyle-i ĥabli dem-i seĥer

Görsün dilā neler ŧoġurur analar bu şeb

11 Gülbanga yek-terāne-i sāz ile döndiler

Sūrāħ-ı nāye revzen-i kāşāneler bu şeb

12 Sāķįnüñ iltifātı mey-āşāma Ǿāmidür

Farķ olmaz āşinā ile bįgāneler bu şeb                                                                                                

12a mey-āşāma] meh āşāma MK2

13 Gördükde duħter-i rezi dil ķırdı tevbeyi

Peymān-şikenlik eyledi peymāneler bu şeb

14 Şįrin gelüp o ħüsrev-i ħubāna gerd-i Ǿaşķ

āb-āver oldı Ǿacz ile efsāneler bu şeb

15 Sulŧān-ı Ǿaşķ itdi ĥakem Ĥāmiyā bizi

Bülbüller ile fāśl ola pervāneler bu şeb

 

               

 

KAYNAK:  Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017