Mefâ`îlün mefâ`îlün mefâ`îlün mefâ`îlün

 

 1 Getür câm-ı sürûr-encâmı diller şâd-kâm olsun

 Tamâm itdi bizi gam sâkiyâ gam da tamâm olsun

 2 Safâ virsün derûn-ı câna tâb-ı âftâb-ı mey

 Serây-ı işrete her kâsesi billûr câm olsun

 3 Hat-ı anber-sirişt-i yâr virsün özge keyfiyyet

 Mey-i gülfâmı la`l-i nâbı miskiyyü'l-hitâm olsun

 4 Bilüp ayş-ı müdâma meylini bî-çâre-i aşkun

Şarâb-ı la`l-i nâbın sundı dil-ber müstedâm olsun

 5 Salınmak olmadı Yahyâ ile bir kerre kûyunda

 Ne olmaz işdür olsun ey tezerv-i hoş-hırâm olsun

 

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147