Getürmez hâtıra bir kimse yâd itmez hemân ölme

Mefâ‘îlün Mefâ‘îlün Mefâ‘îlün Mefâ‘îlün

 

1. Getürmez hâtıra bir kimse yâd itmez hemân ölme

Kimesne nâ-murâduñ ber-murâd itmez hemân ölme

2. Görür etbâ‘ınuñ mahzûn mahzûn gezdigin lâ-büd

Anı bir tesliyetle bâri şâd itmez hemân ölme

3. Kimesne dostân-ı pes-mândegânın fart-ı şefkatden

Berây-ı hâtır-ı ahbâb yâd itmez hemân ölme

4.4b Kefîl-i zinde-i hâzır vasî-i mürde-i gâ’ib

Didirdüp kendüye bir turfa ad itmez hemân ölme

5. Halâvî-i tahayyüt tuhfe-i mahsûs-ı da‘vetden

Saña bir dostuñ ihdâ-yı zâd itmez hemân ölme

6. Senüñ hırmenüñe rahmetde mûr olmañ niyâzıyla

Derûnın mezra‘-ı zâtü’l-cerâd itmez hemân ölme

7. Ne düşmenden ne dostuñdan mürüvvet iste ey Kânî

‘Abes kimse saña bahş-ı fu’âd itmez hemân ölme

 

Dr. İlyas YAZAR , K Â N Î D Î V Â N I, Ankara 2012

 

       Tokatlı Kani Hayatı Edebi Kişiliği Şiirleri

       Tokatlı Kani Divanı ve Diğer Eserleri