Girye-i mestâne keyf-i sâgar-ı sahbâ virür
14.04.2016
Fâ‘ilâtün Fâ‘ilâtün Fâ‘ilâtün Fâ‘ilün
1. Girye-i mestâne keyf-i sâgar-ı sahbâ virür
Gâh olur kim katreler keyfiyyet-i deryâ virür
2. Âşinâ-yı kîl ü kâl-i bahs-i vahdet olma kim
Ma‘nî-i bî-gâneye her biri bir ma‘nâ virür
3. Ehl-i devlet va‘d-i bî-incâz ile aldar seni
Şeyhler de şimdi dervişâne hep esmâ virür
4. Bârgâh-ı gayrîden umma husûl-i matlabı
Âdeme her ne virürse şâh-ı istignâ virür
5.Sen hemân dest-i niyâzı bârgâh-ı Hakka aç
Kâniyâ her ne dilerseñ Hazret-i Allah virür
Dr. İlyas YAZAR , K Â N Î D Î V Â N I, Ankara 2012
0
2
Yorum Yapmak için Kayıt Olun veya Giriş Yapın