Gitmez önünden gerçi kim bülbüllerün evrâk-ı gül

 

Müstef`ilün müstef`ilün müstef`ilün müstef`ilün

 

1 Gitmez önünden gerçi kim bülbüllerün evrâk-ı gül

 Ben bildigüm budur hele pervânedür üstâd-ı gül

2 Gül meclisinde dâ'imâ bülbül şetâret itmede

 Pervâne-i bî-çâreyi nâr-ı mahabbet itdi kül

3 Bir bî-güneh pervâneyi yakdı diyü şem`i görün

 Pâyında kayd-ı âhenîn boynunda pîç-â-pîç gull

4 Lutf eyle gel gam-hâneyi reşk-i gülistân idelüm

 Ben ebrveş aglayayum sen gül gibi ey gonce gül

5 Yahyâ şarâb-ı şevk ile peymâne-i dil pür olur

 Sâkî gelince meclise destinde tolu câm-ı mül

 

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147