412
Fe‘ilâtün/ Fe‘ilâtün/ Fe‘ilâtün/ Fe‘ilün
Râzı ol emr-i Hak’a baş ile cândan el çek
Götür ayagı yüri bezm-i cihândan el çek
Giyme dîbâ vü harîr isteme semmûr u vaşak
Tâc u destârı gider bâr-ı girândan el çek
Dâmenüñ eyle keşîde bu cihân bâgından
Serv-i âzâd-sıfat bâd-ı hazândan el çek
Hûb-rûlar göricek fikr-i der-âgûş itme
Olma sevdâ-zede gel mûy-ı miyândan el çek
Yanına ugrama zinhâr peleng-i ‘ışkuñ
Pençesinden sakın ol şîr-i jiyândan el çek
Bülbülüñ diñleme şekvâsını gülden öte tur
Sâmıt u sâkit olup âh u figândan el çek
Ni‘met olmaz bu cihân içre kanâ‘atden yeg
Halkadan kes ta‘amuñ mâ ile nândan el çek
Zülf-i dil-ber sıfat igende gel uzatma sözi
‘Ömrüñi zâyi‘ ider sûd u ziyândan el çek
259
Dil-rübâlarla ayak seyrini ko ey Ravzî
Şimdiden girü fülân oglı fülândan el çek
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009