Gonceyi servi sana teşbîh ider her bî-edeb

 

Fâ`ilâtün fâ`ilâtün fâ`ilâtün fâ`ilün

 

 1 Gonceyi servi sana teşbîh ider her bî-edeb

 Hep sükûtunla sükûnundur ana cânâ sebeb

 2 `Aşık-ı bî-dil nice söyleşmege kâdir olur

 Biribiriyle agız bir idicek ol iki leb

 3 Neşve-i hüsnine imdâd itmek isterler meger

 Lebleri mey hâzır itmiş hâl-i leb bir dâne habb

 4 Sâye-i cehlinde nâ-dân dâ'imâ âsûde-hâl

 Cây-ı râhat bulımaz dânâ çeker renc u ta`ab

 5 Vakt-i gül sâkî-i gül-ruh gül gibi tab`-ı latîf

 Senden ey Yahyâ mey-i gül-gûna istignâ `aceb

 

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147