Fâ`ilâtün fâ`ilâtün fâ`ilâtün fâ`ilün
1 Gönlüm açılmaz dime cânâ bahâr olsun hele
Evme `ayşa mürg-i zerrîn-per şîkâr olsun hele
2 Güç degüldür yâri tehnâ eylemek agyârdan
Tâli'üm olsun müsâ`id yâr yâr olsun hele
3 Gözine girmek hasûdun nicolur seyr idesin
Cism-i zârum reh-güzârında gubâr olsun hele
4 Sûzuma hûrşîd-i `âlem-tâbı çerhün döymeye
Ateş-i dâg-ı nihânum âşikâr olsun hele
5 Dostum yolunda ölmek ihtiyâr itdüm diyen
Câm-ı aşkun nûş idüp bî-ihtiyâr olsun hele
6 Olma Yahyâ lutfına magrûr o tıfl-ı nev-resün
Kadr-i hüsni fehm ider bir şîvekâr olsun hele
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147