Göñül âhlar ider feryâdın eflâke uçurmışdur

75-

Mefâ`îlün Mefâ`îlün Mefâ`îlün Mefâ`îlün

 

1 Göñül âhlar ider feryâdın eflâke uçurmışdur

 Gözüm kan aglamaga başladı bilmem ne görmişdür

2 Metâ`-ı bâde-i gül-reng igen satılmadı kaldı

 Harâbâtîler ey sâkî meger ayaga urmışdur

3 Leb-i cân-bahşın urdum mürde ihyâ kıldı cânânum

 Gice var ise düşde Hazret-i `Îsâyı görmişdür

4 Mahabbet şâhınuñ bir gözi baglu şâh-bâzıyam

 Ecel mürgın henüz avlatmayup koldan uçurmışdur

5 Seher kaftânuñ açmış gül gibi bâga salınmışsın

 Sanevberler Ziyâ’î gibi hep hayretde durmışdur

 

 

Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ