mefâ’ilün mefâ’ilün fa’ûlün
Göñül şem’-i ruhuñ pervânesidür
Düşüb ol şem’e bir gün yanasıdur
Men andan berlü şâd oldum ki göñlüm
Senüñ ‘ışkuñ gamınuñ hânesidür
Senüñ ‘ışkuñ-durur bir genc-i mahfî
Menüm sînem anuñ vîrânesidür
Ezelden nûş iden ‘ışkuñ meyinden
Henûz ol cur’anuñ mestânesidür
Bu besdür Rûşenî-y-çün kim diyeler
Bu ol gül yüzlinüñ dîvânesidür
Dr. Orhan Kemâl TAVUKÇU, DEDE ÖMER RÛŞENÎ Hayatı, Eserleri, Edebî Kişiliği ve Dîvânının Tenkidli Metni, https://ekitap.kulturturizm.gov.tr/E