Gönül sezâ-yı temâşâ-yı yâr olur bir gün

Mefâ‘ilün Fe‘ilâtün Mefâ‘ilün Fe‘ilün

 

1 Gönül sezâ-yı temâşâ-yı yâr olur bir gün

Mükedder âyînemüz bî-gubâr olur bir gün

2 Gider bürûdet olur bezm-i vasl-ı germ-â-germ

Kalur mı böyle zemistân bahâr olur bir gün

3 Alur göz ile bakar gevher-i sirişküme yâr

Budur karîne dür-i gûşvâr olur bir gün

4 Uzatma çok da tırâş eyle hattunı cânâ 4a

Bu mûra merhamet idince mâr olur bir gün 4b

5 Müdâm hâk-i mezelletde kalmaz ehl-i hüner 5a

‘Akîkın adı çıkar nâmdâr olur bir gün

6 Felekden itme kabûl âdemiyyet itse dahı

Bu mûmiyâ sebeb-i inkisâr olur bir gün

7 O vahşiyi bilürüz sayd olur degül Âgâh

Bu sözle eglenürüz kim şikâr olur bir gün

 

 

 

Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,