Gördüñ zamâne uymadı sen uy zamâneye
29.07.2017
Mef‘ûlü Fâ‘ilâtü Mefâ‘îlü Fâ‘ilün
1. Gördüñ zamâne uymadı sen uy zamâneye
Aldan derûga lâfa inan uy terâneye
2.2b Kuş kondurur ser-i suhane Kays-var ‘ışk
Konmaz bu mürg egerçi ki her âşiyâneye
3. Sen feth-i bâb-ı vasl ide dur tekkeveş hemân
Basdurma ehl-i ‘ukdeyi ol âsitâneye
4. Olmaz bahâ metâ‘-ı visâle niyâzveş
Virmez niyâz-ı ferce-i fursat bahâneye
5. Hâlüñ gibi lezîz midür habbe-i lezîz
Şekker uyar mı leble bûy-ı şâhidâneye
6.6a Ol râzı yanabile gerek lâf-ı huşk ile
Mühr-i kiyâyı pîş çeken râziyâneye
7.7b Eyler mi erba‘înine bu fasluñ i‘tibâr
Kânî sovuk bakan kişi bu çille-hâneye
Dr. İlyas YAZAR , K Â N Î D Î V Â N I, Ankara 2012
