Görinen gülşende şem’-i âteşîndür gül degül

 

233

- . - - / - . - - /- . - - /- . –

 

Görinen gülşende şem’-i âteşîndür gül degül

Geşt iden etrâfını pervânedür bülbül degül

Her ne dem gitse bana âh itdürür ol serv-i nâz

Dûd-ı ahûmdur kafâsında anun kâkül degül

Kişver-i hüsn içre çokdur gerçi kim sâhib-cemâl

Ol gül-endâmum gibi birisi de şengül degül

Zâhir olan âteş-i dilden harâretdür müdâm

Bezm-i gamda sâkiyâ benzüm kızardan mül degül

Şi’rün içre sünbül ekmişsin Revânî dir gören

Kim bilür kim kanğı hûbun zülfidür sünbül degül

 

Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8