Gazel
2
Mef`ûlü mefâ`îlü mefâ`îlü fa`ûlün
1 Gösterdi yine sâkî-i meclis yed-i beyzâ
Zerrîn kadehi itdi elinde gül-i ra`nâ
2 Gülşende seher gûşuma bir nagme tokundı
Gelmiş gibi vâdîye yine bülbül-i şeydâ
3 Her halka-i zülf oldı bir âyîne ruhında
Ister niçe yüzden görine hüsn-i dil-ârâ
4 Çak tutmayıcak dâmen-i zülfün dil-i mehcûr
Bulmadı zafer devlet-i pâ-bûsuna cânâ
5 Ancak gam-ı dil-dârı alur havsala-i `aşk
Yahyâ olımaz ana mezâhim gam-ı dünyâ
Hasan KAVRUK, ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞIhttps://ekitap.kulturturizm.gov.tr/Eklenti/