Gözlerüm hâk-i der-i dildâr ile pür-nûrmış

 

Gözlerüm hâk-i der-i dildâr ile pür-nûrmış

Hâtırum zahm-ı firâk-ı yâr ile mesrûrmış

 

Hâne-i dil kim harâb olmış sanurdum ben anı

Ol cefâ mi’mârınun tarhı-y-ile ma’mûrmış

 

N’ola ser-gerdân olursa zerre-veş üftâdeler

Gün gibi ol meh-likânun şöhreti meşhûrmış

 

Kesret-i meyden sudâ’ irüp nemâza çıkmadı

Zâhid-i hod-bîn bu özriyle meger ma’zûrmış

 

Her zemân ruhsârına hâil olur zülf-i siyâh

Avniye göstermeyen gün ol şeb-i deycûrmış

 

 

Doğan, Muhammed Nur (hzl.) (2007). Fatih Divanı ve Şerhi. İstanbul: Yelkenli Yay. 112.