Mefâ‘îlün Mefâ‘îlün Mefâ‘îlün Mefâ‘îlün
 
1.Gözüm nezzâre-i ruhsâre-i cânâna hasretdür
Kulagum istimâ‘-ı sohbet-i yârâna hasretdür
 
2. Elüm gül-deste-i peymâne-i ser-şârdan hâlî
Ayagum cünbiş-i mestâne-i rindâne hasretdür
 
3. Dimâgum âşinâ-yı bûy-ı ümmîd olmadan kaldı
Dehânum çâşni-i lezzet-i ihsâna hasretdür
 
4. Zebânum hüsn-i ta‘bîr-i merâmum itmeden ‘âciz
Kelâmum imtizâc-ı harf-i istihsâna hasretdür
 
5.Ayagum sâha-i gülşen-serây-ı vuslatuñdan dûr
Elüm her rûz u şeb bûs itdigüm dâmâna hasretdür
 
6. Zebânum cünbişi-i harf-i recâ-yı vasla nâ-mahrem
Dehânum lezzet-i gül-bûse-i hûbâna hasretdür
 
7. Yüzüm rengini gül-hande-i âmâlde sâdur
Sözüm her çend rengin olsa istihsâna hasretdür
 
8.Derûnum pây-mâl-i minnet-i dûnân iken hâlüm
Cebînüm âstân-ı zümre-i rindâna hasretdür
 
9. Dilüm endîşe-i vasl-ı dil-ârâdan olup mahrûm
Hayâlüm Kâniyâ fikr-i sürûr-ı câna hasretdür
 
 
Dr. İlyas YAZAR , K Â N Î D Î V Â N I, Ankara 2012