Gül-i deh-rûze-i gülzârdan bûy-ı vefâ umma
29.07.2017
Mefâ‘îlün Mefâ‘îlün Mefâ‘îlün Mefâ‘îlün
1. Gül-i deh-rûze-i gülzârdan bûy-ı vefâ umma
Bu sâgardan sakın sen neşve-i neşv ü nemâ umma
2. Bu bahr-ı pür-hatırda şurta-i tevfîkden gayrı
Seni sâhil-res-i ümmîd ider bâd-ı hevâ umma
3. Bu fikre hâtıra gelmezden evvel el-vedâ‘ eyle
Hezârân ‘ıyd gelse bî-vefâdan merhabâ umma
4.4a Habâb-ı bâde ehl-i bî-nişe bir çeşm-i ‘ibretdür
Fenâ-bünyâd olan şûh-ı hevâyîden bekâ umma
5. Gam-ı hicrânı sessizden gelür teklîfsiz ammâ
O âfet hod-be-hod gelmez saña âvâz-ı pâ umma
6. Safâ-yı rûz-ı mahvı ‘âkıbet takdîre sa‘y eyler
Harîm-i Ka‘be-i vuslatda reh-cây-ı safâ umma
7. Bu devr-i bî-vefâda derdüñe dermân olur yokdur
Dem-i Hızr u Mesîhâdan dahı Kânî şifâ umma
Dr. İlyas YAZAR , K Â N Î D Î V Â N I, Ankara 2012
