Fâ`ilâtün fâ`ilâtün fâ`ilâtün fâ`ilün

 

 1 Gül ruhun bûyın sabâdan aldı âb-ı Edrene

 Ben de bildüm ki olur erzân gül-âb-ı Edrene

 

 2 Şöyle ma`mûr oldı hûbân-ı Sitânbul ile kim

 Câydur bir gence her künc-i hârâb-ı Edrene

 

 3 Özge `âlem virdi lutf ile o şehr-i dil-keşe

 `Alemün sultânı şâh-ı kâm-yâb-ı Edrene

 

 4 Hazret-i Sultân Murâd ol şâh-ı `âlî-kadr kim

 Pây-bûsıyla mu`azzamdur cenâb-ı Edrene

 

 5 Makdemiyle şöyle rif`at buldı ol şehr-i güzîn

 Nüh sipihre ta`n ider şimdi kıbâb-ı Edrene

 

 6 Şemme-i lutfun virüp hâsiyyet-i müşg ü gül-âb

 Kadr ü kıymet bulmada âb ü türâb-ı Edrene

 

 7 Anı döndermişdi pîr-i köhne-sâle rüzgâr

 Hamdü li'llâh yine avd itdi şebâb-ı Edrene

 

 8 Iltifâtun bir safâ bagışladı Yahyâ'ya kim

 Virmeye bir meste ol hâli şarâb-ı Edrene

 

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147