Gül ü Sadberg’ten

 

 

Demdür ey ħāme-i rengįn-raķam

Şevķ ile eyle benānumda neġam

Böyle ħoş lehce ile peyveste

Ne revādur olasın dem-beste

Dergeh-i Ĥaķķ’a olup dest-güşā

Şāh-ı devrāna daħı eyle du‘ā

Ĥaķ anuñ devletin efzūn itsün

Dil-i a‘dālarını ħūn itsün

Dād ile dehri o žıll-ı Yezdān

Ser-te-ser itmededür ābādān

………

Devr-i ‘adlinde cihān āsūde

Ehl-i dil źevķ ile hāy ü hūda

Bā-ħuśūś ola o śadr-ı ‘ālį

 Muntažam itmede her aĥvāli

Dād-ı Ĥaķ’dur o kerem-mu‘tādı

Hem vezįri ide hem dāmādı

……

Geldi ‘ahdinde cihāna rāĥat

Oldı zįb-efken-i rūy-ı devlet

Luŧf idüp ehl-i dile ol dāver

Dil-i vįrānını ābād eyler

60 Bermekį gibi olup źātı kerįm

Nām-ı pākidir anuñ İbrāhįm

Gelmedi böyle ħidįv-i efħam

Merĥamet kānı vezįr-i a‘žam

Ne vezįr Āsaf-ı şāh-ı devrān

Cā’ize-dāde-i ehl-i ‘irfān

Kethudā Beg gibi bir dānāyı

Eylemiş emrine fermān-rāyı

Ĥasenü’l-ħulķ sütūde-ħaślet

Ma‘denü’l-luŧf selįmü’l-ħilķat

65 Genc-i luŧfıñdan eyā ķadr-i mecįd

Dest-gįr ol iderüm böyle ümįd

Dil-i ġamgįni ne var şād eyle

Yüz sürem Ravża’ya imdād eyle

Çoķ zamāndur iderem sa‘y-i sedįd

Rü’yet-i ķabr-i Resūli ümmįd

Olmadı n’eyleyeyin imkānı

Beden-i vüs‘atimiñ dermānı

 

Prof. Dr. Âdem CEYHAN, TARİHÎ MANZUM METİNLERİ NESRE ÇEVİRME MESELESİ: BELÎĞ’İN GÜL-İ SAD-BERG’İ ÖRNEĞİ, SOSYAL BİLİMLER Yıl : 2011 Cilt :9 Sayı :1 Celal Bayar Üniversitesi S.B.E

 

 

 Bursalı İsmail Beliğ- 18 yy Hayatı ve Edebi Kişiliği