Fâ’ilâtün Fâ’ilâtün Fâ’ilâtün Fâ’ilün

 

1 Gün gibi ol mâh-peyker kim nihân olmak diler

Eşküm âsâ katre-i eşküm ‘ayân olmak diler

2 Tâze tâze dâg urup şevk-i ruhuñla sîneye

‘Âşık-ı şûrîde-diller gülsitân olmak diler

3 Sîne-i fânûs hayâlinde uyandı şem’-i şevk

Çâr-sûy-ı ‘aşka göñlüm pâsbân olmak diler

4 İtmeye tâ sen şehi rencîde tâb-ı âftâb

Dûd-ı âhum lâciverdî sâyebân olmak diler

5 Vecdi-i dil-haste ol serv-i revâna meyl idüp

Nahl-i kaddi hasretinden bâgbâñ olmak diler

 

Prof. Dr. Hasan KAVRUK, Dr. Bahir SELÇUK, FİLİBELİ VECDÎ ve DÎVÂN’I (METİN-DİZİN), © T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3366 ,MALATYA 2009