Gürûh-ı ‘âşıkân ‘akl-ı ma‘âşı eylemiş maglûb

 
19
 
Mefâ‘îlün mefâ‘îlün mefâ‘îlün mefâ‘îlün
 
1 Gürûh-ı ‘âşıkân ‘akl-ı ma‘âşı eylemiş maglûb
Anıñçün bilmeyenler dir havâs-ı der-gehe meczûb
2 Çalış tebdîl-i ahlâka dilerseñ kâm-yâb olmak
İder hulk-ı zemîme ‘âlem içre âdemi menkûb
3 Müberrâdur o dil gerd ü küdûretden ola âgâh
Hevâ vü hırs u gafletdür iden merdümleri ma‘yûb
4 Harîm-i mahrem-i pîr-i mugân olmak ise maksad
Gül-i mey-hâne-i ‘aşkı ziyâret eyle ol mahbûb
5 Nihâdı sâf olan ehl-i ma‘ârif işbu ‘âlemde
Safâ bulmaz ricâl-i bed-fi‘âle olsa ger mensûb
6 Düşer efkâr u hülyâya tesâdüf eylese bezme
Degil mi ‘akl-ı bed-fercâm iden ‘âkilleri mahcûb
94
7 Ref(i)‘ kıl perde-i vehm ü hayâli ‘aşk ile mest ol
Bırakma bâdeyi elden olasın Sıdkiyâ mergûb

Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0