Güşâde olmadı ol gonçenün melâli nedür

Mefâ‘ilün Fe‘ilâtün Mefâ‘ilün Fe‘ilün

                                                           

1 Güşâde olmadı ol gonçenün melâli nedür

Hazân mıyuz o gülün bizden infi‘âli nedür 1b

 

2 Nigâhdan müte’ellim niyâzdan bî-zâr

O şûha ‘arz-ı merâm itmenün melâli nedür 2b

 

3 Tamâm-ı ‘ömr humâr-ı firâk ile geçdi

Bilinmedi dahı keyfiyyet-i visâli nedür

 

4 Hilâline felegün itme ser-fürû ey dil

O âftâb yanında mehün kemâli nedür

 

5 Ne nagmeyüz bu tarabhânede ne tanbûruz

Zamânenün bize Âgâh gûşmâli nedür

 

Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,