Habâb-âsâ olaldan ‘ışk ile dilde hevâ peydâ

Sunar mey yirine sâkî-i gam bana pey-â-pey dâ

 

Gözümde v’ey eger olmaya hûrşîd-i ruhun rahşân

Felekde mihr-i ‘âlem yâ ola yâ olmaya peydâ

 

Beni hâk itdi pâ-bûsun hevâsı irmedi destüm

Gubârum oldı gitdi ‘âkıbet yollarda nâ-peydâ

 

İripdür behre ‘ışkumdan benüm Ferhâd u Mecnûna

Meseldür söylenür olur er erden dil-berâ peydâ

 

Revân-ı Hüsrev ü Hâfız ‘Acemde şâd olmışdur

Olupdur ‘Âşık adlu Rûmda bir hoş-edâ peydâ

 

       Aşık Çelebi Hayatı ve Eserleri 16 yy

       Meşâirü’ş-Şuârâ ( Tezkiret’üş Şuara) Aşık Çelebi