Hadden efzûn mihrüm ol nâ-mihrbân bilmezlenür

 

 

Fâ’ ilâtün fâ’ ilâtün fâ’ ilâtün fâ’ ilün

 

Hadden efzûn mihrüm ol nâ-mihrbân bilmezlenür

Hep bilür çok sevdügüm ammâ hemân bilmezlenür

 

Âşinâlık virmeyüp bîgâne resmin kullanur

Nâz ider her gördügince bir zamân bilmezlenür

 

İltifât-ı hâl-i dervîşe ‘ ulüvv-i şân komaz

Hep bilür ahvâli şâh-ı kâm-rân bilmezlenür

 

Gamzesi zahm urdugınca la’ li dermân itmede

Gerçi kim dil derdin ol âşûb-ı cân bilmezlenür

 

Nâz u istignâ ile Bâkîye tokınmaz geçer

Râst gelse yolda ol serv-i revân bilmezlenür