Hâfız Ahmed Paşa  “Aldı etrâfı adû imdâda asker yok mudur / Dîn yolunda baş virür bir merd-i server yok mudur”  beytiyle başlayan  bir gazel  yazarak ve padişahtan yardım istemiştir (Tosun 2011: 336). IV Murad’ın bu gazele yazdığı cevabi nazire şu şekildedir.
 
Hâfızâ Bagdâd’a imdâd itmege er yok mudur
Bizden istimdâd idersin sende asker yok mudur

Düşmanı mât itmege ferzâneyim ben der idün
Hasma karşı şimdi at oynatmaga yir yok mudur

Gerçi lâf urmakda yokdur sana hem-pâ biliriz
Lîk senden dâd alur bir dâd-güster yok mudur

Merdlik da‘vâ idersin bu muhanneslik neden
Havf idersin bârî yanında dilâver yok mudur

Râfızîler aldı Bagdâd’ı tekâsül eyledin
Sana hasm olmaz mı Hazret rûz-ı mahşer yok mudur

Bû-Hanîfe şehrin ihmâlinle vîrân itdiler
Sende âyâ gayret-i dîn ü peyamber yok mudur

Bî-haberken saltanat ihsân iden Perverdigâr
Yine Bagdâd’ı ider ihsân mukadder yok mudur

Rişvet ile cünd-i İslâm’ı perîşân eyledün
İşidilmez mi sanursın bu haberler yok mudur

Avn-ı Hak’la intikâm almaga a‘dâdan meger
Bende-i dîrîn vezîr-i dîn-perver yok mudur

Bir Alî-sîret vezîri şimdi serdâr eylerim
Hızr u peygamber mu‘în olmaz mı rehber yok mudur

Şimdi hâlimi kıyâs eylersin âyâ âlemi
Ey Murâdî pâdişâh-ı heft kişver yok mudur

 

 

Tosun, Serdal (2011), Hâfız Ahmed Paşa Divanı ve İncelenmesi, İ.Ü. Sosyal Bilimler Enstitüsü, Yüksek Lisans Tezi, İstanbul.