Hak dehânuñ hokkasın bir dürr ü mercân eylemiş

 

 

Fâ‘ilâtün/ Fâ‘ilâtün/ Fâ‘ilâtün/ Fâ‘ilün

 

Hak dehânuñ hokkasın bir dürr ü mercân eylemiş

Çeşm-i ‘âşıkdan sakınmış anı pinhân eylemiş

                                                           

‘Andelîb-i şûhdan nâzük letâ‘if nakl idüp

Gülleri bâd-ı sabâ gülşende handân eylemiş

 

Gülşen-i ‘âlemde nice ‘andelîbüñ rûzgâr

Perr ü bâlin berg-i gül gibi perîşân eylemiş

 

Necm sanmañ her gice olan felekde tâb-dâr

Tîr-i âhum ser-te-ser cismini peykân eylemiş

 

Ey Behiştî verd-i ruhsârını sîr-âb itmege

Ehl-i ‘ışkuñ gözleri yaşını bârân eylemiş

 

 

Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/