Hâl-i ahmer sanma katl eylerken ol kâtil beni

 

Fâ‘ilâtün Fâ‘ilâtün Fâ‘ilâtün Fâ‘ilün(1)

 

1. Gâh olur otlar biter eşk-i revânumdan benüm

 Gâh olur ‘âlem yanar sûz-ı nihânumdan benüm

 

2. Üstühânum tende yüz döndürmez ol şemşîrden

 Tîgı yüz döndürmesün tek üstühânumdan benüm

 

3. Gel çıkar şemşîrüñ al cân nakdini didüm didi

 Nesne çıkmasa dirin ben dahi yanumdan benüm

 

4. Hâl-i ahmer sanma katl eylerken ol kâtil beni

 Cübbesine sıçramış bir katre kanumdur benüm

 

5. Emriyâ hâl-i lebinde mû degüldür dest-i sun‘

 Ol meges pâyına takmış rişte cânumdan benüm

 

Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427