-.-- / -.-- / -.-- / -.-
 
Hamd ile bed’ eyle ey dil beyt-i şi‘re ibtidâ
Ba‘d hamd ü Hâlık-ı arz u sipihre ibtidâ
Nâ-resîde menzil-i maksûd olur bî-per ü bâl
İtse nâ-tahmîd-i nâ-kes murg-ı emre ibtidâ
Hamd-i Dâdâr-ı cihânî itmeyüp kavm-i selef
Oldılar manzar nişâne tîr-i gamze ibtidâ
İntihâ-yı maksad-ı Aksâya vâsıl olmaga
Mazhar ol feyz-âverî-i hamd pîre ibtidâ
Çün revâcı buldı kâlâ-yı suhan tahmîd ile
Vâcib oldı hâme-i mu‘ciz-sarîre ibtidâ
Hayr ile itmâm-ı dîvân eyleseñ olur ‘aceb
Hamd ile itdüñ Sa‘îdâ çünki şi‘re ibtidâ
 
 
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636