Haşrın hesâbını ne bilür cehl-i bî-haber
 Gel haşre kâ’il ol ki bu hikmetdedür nazar
 Ey tâc ü tahta mülk-i cihâna harîs olan
Ârif katında tapmadı mikdâr-ı sîm ü zer
Zâhid işitdi nefha-i sûrun sadâsını
Yevmü’l-kıyâmet oldı ne yatursun ey püser
Düşdi cihâna fitne vü âşûb u gulgule
Tâ sünbülin götürdi cemâlinden ol kamer
5. Âşüfte zülf ü hâl ü ruhı çeşm ü gamzesi
Kıldı meni itâb ile ez-hîş-i bî-haber
İdrâk ü fehm irişmedi evsâf-ı zâtına
Kıldum hadîs-i la‘lin anun şerh-i muhtasar
Endîşenün gümânını terk eyle fâriğ ol
Peymâne dolmayınca tökülmez hûn ez-ciger
Ey cennetün şarâbı leb-i yârdur diyen
Cânum hayât-ı lem-yezel ol yârdan diler
Fazl-ı İlâhîden iki âlemde şâh imiş
Ol ehl-i dil ki yâr ile ömrini sarf ider
10. Virdi Hakîkî cânını yârun visâline
Terk-i alâyık itdi vü kûyında koydı ser
1. Işk-ı cânân her kimün cânında ki te’sîr ider
Cânını cânâna kurbân kılmasa taksîr ider
Her müfessir kim anun vechinde gördi âyetin
Hem sücûd eyler ana hem âleme tefsîr ider
Câvidânî devlet-i Mansûr bulmaz yârdan
Işk meydânında her kim yâr ilen tezvîr ider
Âyet-i ruhsârını maşûkanun harfen-be-harf
Kâtib-i kudret be-levh-i cân u dil tahrîr ider
5. Hâb içinde görmüşem bir mâh-ı gül- ruhsâr kim
Yûsuf-ı Mısrî anı yüz vech ilen tabîr ider
Çün Hakîkînün iki âlemde sensin dil-beri
Cânını yolunda kurbân kılmasa taksîr ider

CİHÂNŞÂH HAKÎKÎ’
 
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368