Hasta-yı hecrim ben efgân-ı hazînim tâzedir
20.03.2016
Hasta-yı hecrim ben efgân-ı hazînim tâzedir
Nev-be-nevdir nâlişim her dem enînim tâzedir
Dâğ-ber-dâğ-ı cefâ-yı dehr-i dûnum ben müdâm
Nâle vü feryâd u âh-ı âteşînim tâzedir
Kasdım etmekdir harâb âh ile bünyâdın benim
Her sitem gördükce zîrâ çerhe kînim tâzedir
Gâfil-i feyz-i hayât-ı ülfet-i uşşâkdır
Dahı ol nev-reste tıfl-ı nâzenînim tâzedir
Hâlet-i şevk-ı hayâl-i zülf ile yine Nedîm
Fikr-i piç-â-piç-i tab‘-ı hurde-bînim tâzedir
0
0
Yorum Yapmak için Kayıt Olun veya Giriş Yapın