Mefâ‘ilün Fe‘ilâtün Mefâ‘ilün Fe‘ilün
 
1 Hat-âver oldı o şûh-ı girişme-sâz bana
Bu berg-i sebz kadar olmaya niyâz bana
 2 Ne şîşeyem ne sebû-yı meyem ne âyîneyem
 Düşer mi seng-i melâmetden ihtirâz bana
3 Nasîb-i ehl-i suhan kat‘-ı râhat olmakdur
Bir oldı şakk-ı kalemle dehân-ı kâz bana
4 Mecâz-ı âyîne-i şâhid-i hakîkat olur
İderse lutf-ı Hudâvend keşf-i râz bana
5 Dimâg-ı sohbet-i dildâr bende yok Âgâh 5a
Rakîb ise geçinür yâr-ı dil-nüvâz bana
 
 
 
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,