Hat belürse n’ola ol lâle-’ızârumda benüm
27.02.2017Hat belürse n’ola ol lâle-’ızârumda benüm
Hat belürse n’ola ol lâle-’ızârumda benüm
Sebze-i ter yaraşur tâze bahârumda benüm
Öldüm ol servün ayagına yüzüm süremedüm
Serv dikün başum ucında mezârumda benüm
Sûzen-i gamzelerün itdi ser-â-ser pür-zahm
Yir yok igne basacak cism-i figârumda benüm
Sû-be-sû cûlar olup oldı gözüm yaşı revân
Görmedüm servümi bir lahza kenârumda benüm
Nakş-ı bî-cân gibi hayrân kala ‘Âşık Mânî
Görse bu anı eger nakş-ı nigârumda benüm
Aşık Çelebi
0
0
Yorum Yapmak için Kayıt Olun veya Giriş Yapın