Hatt u leb ü izârı ruh-ı yâri bozdılar

05.04.2016

GAZEL

Mef`ûlü fâ`ilâtü mefâ`îlü fâ`ilün

1 Hatt u leb ü izârı ruh-ı yâri bozdılar

Tagıldı müşterîleri bâzârı bozdılar

2 Agyârdan ayırdılar ey meh-likâ seni

Bir hîle ile leşker-i küffârı bozdılar

3 Zülfin tagıtdı yâr gönül oldı bî-karâr

San âşiyân-ı bülbül-i gülzârı bozdılar

4 Kaldı nukûd-ı eşk-i ruh-ı zerd geçmeden

Gitdi revâcı dirhem u dînârı bozdılar

5 Yahyâ alurdı nakd-i dil ü câna vaslını

Ol dil-rübânun itdigi ikrârı bozdılar

Hasan KAVRUK, ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞIhttps://ekitap.kulturturizm.gov.tr/Eklenti/

Yorum Yapmak için Kayıt Olun veya Giriş Yapın