Hayâlüñ bir yere basmaz dil-i bî-kîneden soñra
29.07.2017
Mefâ‘îlün Mefâ‘îlün Mefâ‘îlün Mefâ‘îlün
1. Hayâlüñ bir yere basmaz dil-i bî-kîneden soñra
Miyânuñ koçmaga imkân yok âyîneden soñra
2. İder bir gün işâret ‘abd-i vasla gûşe-i ebrû
Görürler rûze-dârân-ı gamuñ ayı neden soñra
3. Görenler şerha-i sînem ider biñ dâga istidlâl
Bu sırrı şerha kes kâdir degüldür sîneden soñra
4. Felekden bir gün ugurlansa der-peyi mücârâtı
Çeker etfâl habs-i mektebi âzîneden soñra
5. Aña bir hâne-i bî-minnet oldı sîne-i Kânî
Hayâlüñ bir yere basmaz dil-i bî-kîneden sonra
Dr. İlyas YAZAR , K Â N Î D Î V Â N I, Ankara 2012
Yorum Yapmak için Kayıt Olun veya Giriş Yapın