Hayâlüñden mücellâ oldı dâğ-ı sînemüz cânâ

 

 

Mefâ`îlün Mefâ`îlün Mefâ`îlün Mefâ`îlün

 

1 Hayâlüñden mücellâ oldı dâğ-ı sînemüz cânâ

Cemâlüñ `aksine âmâdedür âyînemüz cânâ

2 Ezel bezminde câm-ı nutkuñı çekdük bi-hamdi`llâh

İrişmekde ebed keyf-i mey-i dûşînemüz cânâ

3 Ne gam gitdiyse hûş u sabr u tâkat sîne vü serden

 Fedâdur yoluña hep gevher-i gencînemüz cânâ

4 Hemîşe neşve-dâr-ı `âfiyet olduksa Hızr-âsâ

 Dile yâd-ı lebüñdür bâde-i dîrînemüz cânâ

5 Baña sîneñde bir cây itmedüñ biñ kîn ile sürdüñ

 Dilüñde cây-gîr olsun ko bârî kînemüz cânâ

72

6 Bizi mest itdi rûz-ı rûze câm-ı `ışkuñ ammâ kim

 Niçe savma mu`âdildür şeb-i âzînemüz cânâ

7 Harâbâta düşerdi Nâmî-veş yâd-ı leb-i la`lüñ

 [Gir]evdür pîr-i meyde «ırka-i peşmînemüz cânâ

 

 

Yard. Doç. Dr. Ahmet YENİKALE  AHMET NÂMÎ  DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ