Hayli müddetdür ki derdün mendedür
15.04.2016
Hayli müddetdür ki, derdün mendedür
Dil sana bir boynı bağlu bendedür
Tâ ki, saldı hecrün ayağdan meni
Sen bilürsin şimdi mürvet sendedür
Dost Leylî vü gönül Mecnûndur
Fitnelü kaşına can meftundur
Yâr vaslın itmeyen can nakdine
Aşk bâzârındaki maqbûndur
Vermemek dil dilberün qîsûsma
Sıqmaya âşıkların namusuna
Ser fidâdur fitne-i câdûsuna
Can dahi kurban keman-ebrûsına
Yedi kez otuz iki durur yüzün
Otuz iki gösterür iki gözün
Qâmetün seksen sekiz ider ayan
Yetmiş iki nitk eder iki sözün
Bir acâib şaha düşdü gönlümüz
Bedr yüzlü mâha düşdü gönlümüz
Tâ ki, Fazlullâha düşdü gönlümüz
Uş hakîkî râha düşdü gönlümüz
Yorum Yapmak için Kayıt Olun veya Giriş Yapın