Hayretle hemân üstüme dil-ber düşeyazdı

Mef‘ûlü Mefâ‘îlü Mefâ‘îlü Fe‘ûlün

 

1.1b Hayretle hemân üstüme dil-ber düşeyazdı

Ben hergiz inanmadum o dahı düşeyazdı

2. ‘Âşıklarını öldürse öldüre o âfet

Evsâfını ser-i defter-i ‘âşık küşeyazdı

3. Düşmez dir idüm bûsesinüñ mevsimin ammâ

Hºâb aldı şeker bâdem-i çeşmin düşeyazdı

4. Dil âyet-i ‘ışkı okıdı soñra üfürdi

Ser-safha-i cân u bedeni bî-huşayazdı

5. Ârî ben anuñ vaslını isterdüm efendüm

Zenbûr-ı belâ dört yanumdan üşeyazdı

6. Kânî niçe olmasun o çâr ebrûya mâ’il

Vefk-i varak-ı hüsni felek dört köşeyazdı

 

Dr. İlyas YAZAR , K Â N Î D Î V Â N I, Ankara 2012

       Tokatlı Kani Hayatı Edebi Kişiliği Şiirleri

       Tokatlı Kani Divanı ve Diğer Eserleri