6
 
 Hazret-i Şeyh ‘Abdü’lkâdir el-Geylânî
 
 Fe‘ilâtün Fe‘ilâtün Fe‘ilâtün Fe‘ilün
 
 1 Ey bihîn-gevher-i nâ-yâb-ı şerîf-i ‘Acemî
 Sâdıku’l-kavl ‘alâ külli veliyyi kademî
 2 Kutb-ı âfâk-ı ‘ilim Hazret-i ‘Abdü’lkâdir
 Âsitâneñdür olan halk-ı cihân mültesemi
 3 İ‘tizâr itdi gelüp hazretüñe mâh-ı sıyâm
 Bulmadı rûz-ı visâlüñ gibi ferhunde demi
 4 Münfa‘il olsa hilâli n’ola mâh-ı ‘ıyduñ
 Kubbe-i merkadinüñ olmadığıyçün ‘alemi
59
 5 Şübhe yokdur ki ziyâret iden olmaz mahrûm
 Bu du‘â hürmeti vâlâ-eser-i muhteremi
 
 6 Nice dem yek-sere gark olmadan itdüñ tahlîs
 Ehl-i Zevrâ’ya kerâmetle iderdüñ keremi
 7 Hâşe li’llâh ki ola Kâmi-i zâruñ nâ-kâm
 Var iken böyle senüñ gibi veliyyü’n-ni‘amı
 
Yrd. Doç. Dr. Gülgün Erişen YAZICI,, Edirneli Kâmî ve Divanının Tenkitli Metni, (Basılmamış doktora tezi), A. Ü. Sosyal Bilimler Enstitüsü , Ankara, 1998,- https://ekitap.kulturturizm.gov.tr/Eklenti/10619,kamipdf.pdf?0