Hecr-i kâkül rûzgârım tîre târ eyler bana

 
Fâ‘ilâtün Fâ‘ilâtün Fâ‘ilâtün Fâ‘ilün
 
1. Hecr-i kâkül rûzgârım tîre târ eyler bana
 Firkat-i hâl âb u dânem zehr-i mâr eyler bana
2. Gerdiş-i gerdûn ya baht-ı siyâhım neylesün
 Her ne eyler firkat-i ruhsâr-ı yâr eyler bana
3. Tâlibân içre beni dil-hasteni mümtâz idüp
 Ni‘met-i derdin dem-â-dem bî-şümâr eyler bana
4. Bilmezem ‘özriyyetim dünyâya geldim gelmedim
 Gevher-i derdi sehâb-ı gam-nisâr eyler bana
5. Ey Nigârî nice efgãn itmezem ol gonçe gül
 Bâg-ı sevdâ içre kim ‘arz-ı ‘izâr eyler bana
 
SEYYİD MÎR HAMZA NİGÂRÎ
Prof. Dr. Azmi Bilgin , Nigârî [ö. 1885], DÎVÂN, 2011, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ, 3289 KÜLTÜR ESERLERİ 482