Hedef-i nâvek-i bî-dâd ki dirler o bizüz
15.09.2017Fe‘ilâtün Fe‘ilâtün Fe‘ilâtün Fe‘ilün
1 Hedef-i nâvek-i bî-dâd ki dirler o bizüz
Küşte-i gamze-i cellâd ki dirler o bizüz
2 Olalı beste-i dil-i zülf-i girih-gîr-i bütân
Ser ü sâmân gibi ber-bâd ki dirler o bizüz
3 Nâyuŋ olduk nefes evlâdı bu gün nâle gibi
Dûdmân-zâde-i feryâd ki dirler o bizüz
4 Mahrem-i meclis-i vuslat olalı şem‘ gibi
Âteş-i hırmen-i hussâd ki dirler o bizüz
5 Çemen-i nazmı n’ola SÂKIB’uŋ olsa tâze
Reşha-i feyz-i Hudâ-dâd ki dirler o bizüz
Dr. Mehmet KIRBIYIK, KÂTİB-ZÂDE SÂKIB DÎVÂNI, https://ekitap.kulturturizm.gov.tr/Eklenti/10622,katibzade-sakibpdf.pdf?0
0
0
Yorum Yapmak için Kayıt Olun veya Giriş Yapın