GAZEL
72
Me`fâilün fe`ilâtün mefâ`ilün fe`ilün
1 Hemîşe merdüm-i çeşmüm izâr-ı yâra bakar
Gözüm o penceredür sahn-ı lâlezâra bakar
2 Zamân gelür yine zerrîn kadeh alur eline
Çemende nergis-i şehlâ hemân bahâra bakar
3 Nesîm-i lutfunadur intizârı fülk-i dilün
Çog oldı sâhil-i mihnetde rûzgâra bakar
4 Seni gelür işidüp bâga yâsemen cânâ
Çıkup o şevk ile dîvâre reh-güzâra bakar
5 Ne i`tibâr bu evzâ`a merd olan Yahyâ
Ne zillete nazar eyler ne i`tibâra bakar
Hasan KAVRUK, ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞIhttps://ekitap.kulturturizm.gov.tr/Eklenti/