Her kim katuña irmege bir reh-güzer bula (36/1)
Her ne murâda kim diler-ise zafer bula
Hûrşîdi zerrece nazarına getürmeye (36/2)
Lutfuñdan ol ki saña irüp bir nazar bula
Ol kim kapuñ gedâliginüñ devletin bile (36/3)
Mülk-i cihana himmeti anuñ muhtasar bula
Yoluñda cân viren kişi biñ câna irişür (36/4)
Ne gam şebe yitüre ne çün kim güher bula
Bir kişidür bilen haberin ışk râzınuñ (36/5)
Kim kendüzin kendüden ol bî-haber bula
Zülfüñe göñlümüñ haberini kim irgüre (36/6)
Yol bulsa üşbu ukdeye bâd-ı seher bula
Lalüñi Ahmedî niçe kim vasf ide sözin (36/7)
Her kim işide nazük ü şîrîn ü ter bula
 
 
https://ekitap.kulturturizm.gov.tr/Eklenti/10591,ahmedidivaniyasarakdoganpdf.pdf?0