Her kişi kim anuñ-ıla yâruñ vefâsı var

Her kişi kim anuñ-ıla yâruñ vefâsı var (254/1)

Ol kişidür ki ömrden anuñ safâsı var

 

Her-geh ki ışkı togru ola yâra yârınuñ (254/2)

Mihr ü vefâ-durur ne ki cevr ü cefâsı var

 

Işkuñ binâsını çü belâ-y-ıla urdılar (254/3) c

Âşık kim ola ol ki belâya rızâsı var

 

Kıldı saçuñda akl perîşanlıgı heves (254/4)

Dîvâne bilmez anda ne müşkil belâsı var

 

Düşdi gözüñ fütûrına cân göz kara idüp (254/5)

Bî-çâre bilmez anda ne müşkil hatâsı var

 

Nûş ola nîş-i gamze lebüñ yâdı-la baña (254/6)

Sıhhatdur ol maraz ki ümîœ-i şifâsı var

 

Mahv itdi varlıgumı tecellîsi yüzüñüñ (254/7)

Hoœ şeb-nemüñ güneş olıcak ne bekâsı var

Ol kişi göre ayn-i yakîn-ile yârı kim (254/8) c

Ayn-ı inâyete sata nekim anâsı var

 

Yârı gerekse ko hevesin gayrüñ Ahmedî (254/9)

Ki_agyâr sıgmaz anda ki yâruñ hevâsı var

 

Dr. Yaşar AKDOĞAN, Ahmedî DÎVÂNI, T. C. KÜLTÜR VE TURİZM BAKANLIĞI, 3141 KÜLTÜR ESERLERİ 424