Hicrün ile eyle çıkdı yüregümde başlar
Nâle kıldum derd ile feryâda geldi taşlar

Şol perî yüzlü meleksin kim görüb dîdârını
Yüz urub korlar melikler ileyünde başlar

Secde-gâhı kâinâtun sûretündür ey sanem
Mahzar-ı Hakksın kemâl-i hüsnüne şâ-bâşlar

Eyle tahrîr eyledi kaşunı nakkâş-ı ezel
Resmine mânendinün âciz kamu nakkaşlar

Uralı kaşun kemânı gamzen okın bağruma
Hûn-ı dildür gözlerümden her dem akar yaşlar

Gönlümün rahtın urub cân milkini târâc ider
Remz iderse gözlerüne şol harâmî kaşlar

İbn-i Şeyhîyem her evbâşa gerek ben baş olam
Rind ü geh kallâş olam geh aşk ile yoldaşlar

vezni: fâilâtün fâilâtün fâilâtün fâilün

 

       Şeyhoğlu Mustafa Hayatı ve Edebi Kişiliği

       Şeyhoğlu Mustafa Marzubân-nâme

       Şeyhoğlu Mustafa Hurşitname ve Özeti

       Kenzü'l Küberâ Şeyhoğlu Mustafa