Himmet-i sultân-ı `aşkun ey şeh-i `âlî-cenâb

 

Fâ`ilâtün fâ`ilâtün fâ`ilâtün fâ`ilün

 

 1 Himmet-i sultân-ı `aşkun ey şeh-i `âlî-cenâb

 Çeşme-i çeşmine uşşâkun getürdi yine âb

 2 La`l-i nâbun hâke saldı cür`aveş `âşıkları

 Itdi bir bezm ehlini bir katre mey mest-i harâb

 3 Gelme ey hatt-ı siyeh la`liyle ben hoş-hâl iken

 Nâ-mülâyimdür bilürsin meclis-i meyde kitâb

 4 Kandadur diyü nola sormazsa dil-ber hâlümi

 Kanda kem-ter zerre-i nâ-çîz kanda âftâb

 5 Vasf-ı hatt-ı yâr Yahyâ şöyle te'sîr eylemiş

 Hâme reftâr eyledükçe geldi bûy-ı müşg-i nâb

 

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147